23/4/2008
****
بقالى يومين تقريبا احس انى بدون كلمات
مش عارة اتكلم عن الى جوايا
حاسة انى هترك شىء فجاءة لقيتة غالى عليا
حاسة انى كمان مش هقدر ارجع لنفسى ايام ضاعت فجأة
ومعملتش بيها شىء يسيب زكرى كويسة
يااااة
اليوم لن انساة
مش هنسى اخر محاضرة
والتصفيق الحاد الى خرم ودانى
مش عارفة الواحد كان بيسقف لية
مع انى مكنتش سعيدا بالمرة
تجاهلت دموع صديقاتى كثيرا هذا الاسبوع
وحاولت اشغل نفسى بعمل المجلة والتأخير لغاية 9 بالليل
والجو العملى جدا
كنت بحاول اشغلنى باى شىء
وفعلا نجحت فى انى اخدعنى جدا
وفجاة وبدون مقدمات دخلت المحاضرة وكأننى لا اعلم انها اخر محاضرة هتجمعنى بالناس دول
دكتورة سوزان القلينى
الى كنت ساعات بحس انى بحبها وكتير بحس انى مبحبش افعالها
دكتورة سها الوجة المبتسم البشوش دائما
مش هنسى البنج الى كولنا كنا بنقعد علية انا وصحباتى
اميرة واينو وايناس وسارة وهبة هنذادة ونيرة
مش هنسى تعليقاتنا داخل كل محاضرة
يااااااااااة
هفتقد اوى طلة المدرج وهيبة اول يوم دخلتة فية
مش هنسى ايناس انهاردة كانت عاملة اية
ولا رشا حبيبتى اكتر شىء هفتقدة فيها حضنها الرقيق اوى وبوستها كل يوم ليا
فجأة حسيت انى نفسى اقول لكل انسان فى المدرج انا بحبكم اوى
بس طبعا مكنش ينفع لانى معرفش كتير منهم
صور كتير اوى صورتها قبل اليوم دة بما انى مدمنة تصوير
لكن انهاردة مقدرش
كام صورة صورتها وهما كانوا سبب انهيارى بالمدرج
اتسائل فى اى مكان اخر سوف يجمعنا القدر جميعا ونفترق منة كما افترقنا
بوست رخم اووووووووووووووووووووى
حاسة بفقدان بيتى
مع انى مكنتش طايقة الكلية ولا الى يها لكن الغريب انى ؟؟؟
فجاة لقيتنى حبيتها اووووووووى
واقنعت نفسى انى حبيتها كدة علشان ذكرياتى مع صحباتى جميلة اوووووووى
مينفعش تنساهها عنيها ولا اى مكان كنا متجمعين فية
عارفة انى هقعد فترة مش اجى هنا..........علشان كدة بقولكم هفتقدكم اوى
